പ്രധാനമന്ത്രി നരേന്ദ്ര മോദിയുടെ സുരക്ഷയ്ക്കായി റോഡില്‍ കെട്ടിയ വടം കഴുത്തില്‍ കുരുങ്ങി സ്‌കൂട്ടര്‍ യാത്രികന്‍ മരിച്ചു. കൊച്ചി കൊച്ചി പള്ളിമുക്ക് ജംഗ്ഷനിലാണ് സംഭവം. വടുതല സ്വദേശി മനോജ് ഉണ്ണിയാണ് മരിച്ചത്. റോഡില്‍ തലയടിച്ചു വീണ മനോജിനെ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. ഇന്നലെ രാത്രി 10 മണിയോടെയായിരുന്നു അപകടം.

എസ്എ റോഡില്‍ നിന്ന് വന്ന് എംജി റോഡിലേക്ക് കയറുന്ന ഭാഗത്താണ് കയര്‍ കെട്ടിയിരുന്നത്. എന്നാല്‍ തങ്ങള്‍ കൈ കാണിച്ചിട്ടും നിര്‍ത്താതെ മുന്നോട്ട് പോയപ്പോഴാണ് മനോജ് ഉണ്ണി അപകടത്തില്‍ പെട്ടതെന്നാണ് പൊലീസ് പറയുന്നത്. കഴുത്തിന്റെ ഭാഗത്താണ് ഗുരുതരമായി പരിക്കേറ്റത്. വൈകാതെ പൊലീസുകാര്‍ മനോജ് ഉണ്ണിയെ ആശുപത്രിയില്‍ എത്തിച്ചു. ചികിത്സയിലിരിക്കെ പുലര്‍ച്ചെ ഒന്നരയോടെയാണ് മരിച്ചത്. സംഭവത്തില്‍ പോലീസ് അന്വേഷണം ആരംഭിച്ചു. മൃതദേഹം മെഡിക്കല്‍ ട്രസ്റ്റ് ആശുപത്രിയില്‍ പോസ്റ്റ്‌മോട്ടത്തിന് ശേഷം വിട്ടു നല്‍കും

അതേ സമയം പോലീസിനെതിരെ ആരോപണവുമായി മരിച്ച മനോജിന്റെ കുടുംബം രംഗത്തെത്തി. എന്നാല്‍ വാദം പെട്ടെന്ന് കാണുന്ന രീതിയില്‍ ആയിരുന്നില്ല എന്നും വാദത്തില്‍ അപായ മുന്നറിയിപ്പുകള്‍ ഒന്നും ഉണ്ടായിരുന്നില്ലെന്നും കുടുംബം ആരോപിച്ചു.